Rrëzimi i aeroplanit në Iran: Dita e dytë e protestave në vend kërkon largimin e udhëheqësve
Udhëheqësit iranianë po përballen me një ditë të dytë të protestave pas pranimit nga ana e saj, se ushtria qëlloi një aeroplan pasagjerësh ukrainas, duke vrarë të gjithë 176 personat në bord, shumë prej tyre iranianë.
Demonstruesit u mblodhën në universitete në Teheran dhe në vendet në qytete të tjera, duke bërë thirrje që zyrtarët e vjetër të largoheshin.
Policia e trazirave është dërguar në Sheshin Azadi të Teheranit dhe monumente të tjera.
Irani pranoi se ka goditur “pa dashje” aeroplanin pasi fillimisht e mohoi atë mes rritjes së tensioneve me SHBA.
Avioni, gjatë rrugës për në kryeqytetin ukrainas, Kyiv, u qëllua afër Teheranit të Mërkurën e kaluar, menjëherë pasi Irani kishte nisur raketa në dy baza ajrore që strehonin forcat amerikane në Irak.
Këto sulme ishin një përgjigje ndaj vrasjes amerikane të komandantit të lartë iranian Qasem Soleimani në një sulm me dron në Bagdad më 3 janar.
Dhjetëra iranianë dhe kanadezë, si dhe shtetas nga Ukraina, Britania e Madhe, Afganistani dhe Suedia vdiqën në aeroplan.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.