“Rrëzohen” dekretet për ndryshimet në buxhet – Përplasje në Komisionin parlamentar të Ekonomisë për rritjen e borxhit

Komisioni Parlamentar i Ekonomsë ka rrëzuar dekretet e presidentit për ndryshimet në buxhetin e shtetit për vitin 2021. Ministrja e Financave Delina Ibrahimaj është shprehur se ky akt normativ është i domosdoshmëm për realizimin e investimeve, stabilitetin ekonomik dhe uljen e borxhit publik në afatgjatë.

Por ndryshimet e shpeshta në buxhet si dhe marrja e një borxhi të ri janë cilësuar si jo normale nga përfaqësuesit e presidencës dhe të opozitës.

Përmes një akti normativ, Ministria e Financave ndryshon për herë të katërt buxhetin gjatë këtij viti, me argumentin e të papriturave dhe sfidave që ka sjellë pandemia COVID-19.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.