Rrëzohet komisioni “Becchetti”, nuk pranohet nga PS – Rama: Nuk ka një verdikt zyrtar nga arbitrazhi. Basha tregon vendimin në Kuvend

Opozita ka arritur të enjten një fitore të pjesshme, sa i takon kërkesës për ngritjen e tre komisioneve hetimore paralamentare, për inceneratorët, atë që e quan masakër zgjedhore të 25 prillit dhe arbitrazhin ndërkombëtar ndaj binzesmenit italian, Francesco Becchetti, të cilit shteti shqiptar duhet t’i paguajë rreth 120 milionë euro dëmshpërblim. Nga foltorja e Kuvendit, Kryeministri Edi Rama ka thë se nuk mund të ngrihet një komision hetimor për çështjen “Becchetti”, pasi nuk është bërë publik asnjë vendim përfundimtar gjykate, lidhur me padinë e tij ndaj shtetit shqiptar. Ai shtoi më tej, se biznesmeni italian është shpallur në kërkim nga drejtësia dhe se opozita po e përdor këtë çështje thjesht për qëllime politike.

Pas deklaratës së Edi Ramës ka treguar para kamerave vendimin e gjykatës së arbitrazhit, që e detyron Shqipërinë t’i shlyejë Bechetit edhe kamatvonesat. Basha tha se tashmë ka nisur bllokimi i fondeve të kompanisë shtetërore Albcontrol, ashtu si dhe të aseteve që shteti shqiptar zotëron jashtë kufijve.

Dy liderët kanë këmbyer nga foltorja e Kuvendit replica të forta lidhur me çështjet e rritjes së çmimeve të energjisë, të karburanteve, të ndërtimit të rrugëve si dhe borxhet që qeveria po merr së fundmi.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.