Rrëzohet statuja e 1895 – Protestuesit shkatërrojnë figurën e tregtarit të skllevërve ndërsa vazhdojnë demonstratat antiraciste në të gjithë botën
Në Londër, Romë, Madrid, Varshavë, Sidnei, Hong Kong dhe shumë qytete të tjera, protestuesit kanë mbushur rrugët për të dytën fundjavë radhazi për t’u thënë qeverive në të gjithë botën se “Black Lives Matter” (jeta e njerëzve me ngjyrë vlen).
Në kryeqytetin e Mbretërisë së Bashkuar, protestat kryesisht paqësore u nxehën në mbrëmje të Dielën ndërsa aktivistët u përleshën me policinë pranë Downing Street. Oficerët u panë duke shtyrë dhe duke përdorur shkopat e tyre të gomës, dhe disa duke përdorur forcën për të shtyrë dhe goditur protestuesit ndërsa afroheshin në vijën e policisë.
Kryeministri Boris Johnson më vonë pretendoi se “demonstratat janë zaptuar nga bandat” dhe tha se ai do t’i vendosë ata para përgjegjësisë.
Kjo ngjarje ndodhi në një moment kur aktivistët mbushën hapësirat publike në mbarë botën në një numër të madh për të përkujtuar vdekjen e George Floyd dhe për të kërkuar një fund të racizmit sistemik – duke inskenuar “vdekje” jashtë ambasadave amerikane dhe madje duke shkatërruar një statujë të një ish-tregtari skllevërish në qyteti britanik të Bristol. Statuja e Colston kishte qëndruar në qendrën e qytetit të Bristol që nga viti 1895, por ishte bërë gjithnjë e më e diskutueshme, me peticionet e shumta së fundmi për të kërkuar heqjen e tij.
Shumë protestues mbanin maska gjatë tubimeve të fundjavës, ndërsa disa bartnin mesazhe se pabarazia racore është gjithashtu një krizë e shëndetit publik. (CNN)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.