Rriten çmimet botërore të gazit / Vera e nxehtë shton kërkesën për energji. Tregtarët rrisin stokun për Dimrin
Çmimi botëror i gazit ka shënuar nivele shumëvjeçare të larta këtë Javë, ndërkohë që rritja e temperaturës po nxit kërkesën për gjenerimin e energjisë, ndërkohë që disa tregtarë në rajone të ndryshme po zëvendësojnë edhe stokun përpara Dimrit. Çmimet për gazin natyror të lëngshëm të dërguar nga Azia u rritën sipër 13 dollarë për milionë njësi termike britanike (mmBtu) këtë javë, që është niveli më i lartë për këtë periudhë të vitit që prej 2013-s, ndërkohë që çmimet me shumicë në Britani dhe gazit natyror në SHBA, u rritën gjithashtu në nivele disa vjeçare të larta. Analistët thanë se rimëkëmbja e kërkesës pas heqjes së karantinës, së bashku me goditje të jashtme të fluksit të ofertës në botë, kanë ngritur çmimet në të gjithë tregjet kryesore. Dërgesat e Qershorit në Japoni u rritën me 18% nga muaji i kaluar, në nivelin më të lartë në 3 muaj, në 6.01 milionë ton, sipas të dhënave nga Reuters. Kina importoi rreth 6.4 milionë ton të gazit natyror të Lëngshëm në Qershor, në rënie nga Maji, por rreth 26% sipër të njëjtës periudhë një vit më parë. Çmimi i gazit në Britani dhe Holandë u rrit në nivelet më të larta në 13 vite ditë ne Enjte, prej fluksit më të ulët nga Norvegjia, shqetësimeve me ofertën dhe niveleve të ulëta të inventarit. Kontratat futures për gazin natyror në SHBA shënuan nivelin më të lartë në 30 vite këtë javë, prej projeksioneve për rritje të kërkesës për ajër të kondicionuar.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.