Rriten çmimet e shtëpive të reja në SHBA –Korriku shënon nivelin më të lartë
Shtëpitë e sapo ndërtuara janë më të shtrenjta nga sa kanë qenë ndonjëherë më parë. Gjithashtu janë më të shtrenjta edhe kur krahasohen më shtëpitë e tjera ekzistuese që kanë qenë ndonjëherë më parë.
Kjo është dhe arsyeja pse shitjet janë duke kaluar një moment të vështirë dhe kanë rënë në 9.4 për qind në Korrik krahasuar me Qershorin, sipas censusit të SHBA.
Këto shtëpi në SHBA janë thjesht jashtë mundësive për blerësit potencialë. Nuk duhet shumë matematikë për të kuptuar këtë. Çmimi mesatar i shitjes së një shtëpie të sapo ndërtuar u rrit më shumë se 6 për qind krahasuar me Korrikun e 2016, në 313,700 dollarë.
Kjo shënon çmimin më të lartë të shtëpive gjatë muajit Korrik ndonjëherë. Dhjetorin e kaluar çmimi mesatar i shtëpive goditi numrin më të lartë të çdo muaji duke thyer kështu rekordin.
Përveç kësaj çmimi i shtëpive të reja me një standard të lartë pothuajse është dyfishuar që nga viti 2011, krahasuar me shtëpitë ekzistuese me po të njëjtin standard, shprehet John Burns Real Estate Consulting.
“Në afatgjatë, çmimi i shtëpive të reja ka qenë kryesisht 10-20 për qind më shumë se sa mesatarja e shtëpive ekzistuese që nga viti 1990.
Megjithatë, nga viti 2011, çmimet e shtëpive të reja kanë qenë rreth 35 deri 40 për qind më shumë se çmimet e rishitjes”, tha John Burns Shkroi në një shënim të fundit për klientët.
“Ndërsa përqindjet e sakta nuk janë të përsosura për shkak të krahasimeve të mollëve dhe portokallëve, konsulentët tanë kanë konfirmuar për vite se shitjet e shtëpive të reja janë ngadalësuar nga çmimet e shtëpive shumë më të larta se zakonisht.”
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.