Rriten kuotat për Fakultetin e Mjekësisë – Nga viti që vjen do të pranohen 150 studentë më tepër, 450 pranime të reja në vit

Vitin e ardhshëm akademik do të shtohen 150 kuota pranimi në Fakultetin e Mjekësisë, duke e çuar numrin e pranimeve në 450 studentë në vit.

Ministrja e Shëndetësisë dhe Mbrojtjes Sociale Ogerta Manastirliu dhe Rektori i Universitetit të Mjekësisë prof. Arben Gjata nënshkruan Memorandumin e ri të Bashkëpunimit, që i hap rrugë bashkëpunimit më të ngushtë për edukimin e profesionistëve të sistemit shëndetësor.

Marrëveshja  vjen në një moment kur ka kërkesë të lartë për degën e Mjekësisë, ndërkohë që shumë mjekë janë larguar jashtë vendit duke krijuar mungesa në shumë specialitete mjekësore.

Ndërkaq, sipas Ministrisë së Shëndetësisë praktika e studentëve të rinj është e ganatuar, pasi kapacitetet në QSUT dhe në disa spitale rajonale janë forcuar.

 SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.