Rriten përdoruesit e Fondeve të Investimeve. AMF: Për 6-mujorin e parë vlera e aseteve 65.47 mld lekë, përdoruesit pothuajse 30 mijë
Pavarësisht një viti të vështirë në pikëpamjen e stabilitetit financiar të secilit prej nesh, shifrat tregojnë se gjashtë mujori i parë 2020 nuk ka sjellë një rënie të ndjeshme të fondeve të angazhuara për investim në vendin tonë, ndërsa ka regjistruar një rritje të përdoruesve individë në total. Autoriteti i Mbikqyrjes Financiare ka publikuar të dhënat mbi këtë treg relativisht të ri në Shqipëi. Për perudhën Janar-Qershor 2020 qytetarët patën mundësinë të investojnë në 6 fonde aktive.
Fondi i investimeve “Raiffeisen Prestigj”, “Raiffeisen Invest Euro” dhe “Raiffeisen Vizion” të administruara nga shoqëria “Raiffeisen Invest”, fondi i investimeve “Credins Premium” nën administrimin e shoqërisë administruese “Credins Invest”, fondi “WVP Top Invest” administrohet nga shoqëria “WVP Fund Management Tirana sh.a” dhe fondi i investimeve “Albsig Standard” nën administrimin e shoqërisë administruese “Albsig Invest”sh.a.
AMF ka arritur në përfundimin se deri më 30 Qershor 2020, vlera neto e aseteve të Fondeve, arriti rreth 65.47 miliardë lekë me një ulje prej 1.3 miliardë lekë ose 1.97%, krahasuar me 31.12.2019. Duke konsideruar rënien me mbi 10% të këtyre fondeve të vendet e tjera europiane, mund të thuhet se sistemi financiar shqiptar dhe besimi i publikut në të mbetet në nivele shumë pozitive.
Për momentin ky treg dominohet kryesisht nga investimet në Obligacione Qeveritare, të cilat përbëjnë 69.09% të aseteve të fondeve, me një rritje prej 1.93% krahasuar me 31.12.2019. Numri i anëtarëve që kanë investuar në Fondet e Investimit më 30.06.2020 është 29,897 me një rritje prej 2.24%, krahasuar me 31.12.2019.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.