Rriten sërish rastet në Itali – Qeveria Draghi merr vendimin: Bllokohet lëvizja mes qyteteve për 30 ditë të tjera
“Ne nuk mund të presim t’ju thërrasim për të ratifikuar vendimet e marra tashmë, por ne mund dhe duam t’ju kërkojmë të merrni pjesë në një proces vendimmarrje që sigurisht duhet të jetë në kohë, i efektshëm, por që nuk do t’ju bjerë mbi kokë”. Është hapja e qeverisë së re për Rajonet sipas fjalëve të Ministres së Autonomive Mariastella Gelmini, e cila këmbëngul për unitet në samitin e mbrëmjes.
“Ne nuk kemi nevojë për ndarje, por zgjidhje”, thotë ajo. Dhe do të fillojë me zgjatjen 30-ditore të ndalimit të udhëtimit midis rajoneve që skadon më 25 shkurt, e vetmja dispozitë nën diskutim në Këshillin e Ministrave nesër në mëngjes, e para mbi krizën pandemike të qeverisë Draghi.
‘Dead line’ i ri i ndalimit të lëvizjes që do të realizohet edhe midis zonave të verdha do të vazhdojë deri në 27 Mars. Strategjia e përgjithshme e ekzekutivit të ri do të përcaktohet më pas me Dekretin e Kryeministrit (Dpcm), i cili do të pasojë atë që skadon më 5 Mars. (ANSA)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.