Rritet bilanci i të prekurve me COVID-19 në Shqipëri! 16 raste të reja në 24 orë. Bino:Mosha mesatare 50 vjeç
Numri i personave që kanë rezultuar të prekur nga COVID-19 në Shqipëri ka shkuar në 259. Në 25 orët e fundit, janë shtuar edhe 16 raste të reja. Përfaqësuesja e ISHP-së Silva Bino tha se janë tetsuar 152 persona në 24 orët e fundit, nga ku 16 kanë rezultuar pozitivë. Bino bëri edhe një bilanc të situatës që nga fillimi deri më tani.
“Gjithsej deri tani janë testuar 1823 persona mes të gjithë grupit të personave të cilët kanë qenë të dyshuar dhe për të cilët janë marrë masa në drejtim të karantimin apo izolimit. Mes këtyre personave të testuar janë konfirmuar nëpërmjet laboratorit 259 raste me Covid 19. Mosha mesatare e personave që janë konfirmuar është 50 vjeç.
Numri i personave që kanë humbur jetën fatkeqësisht nga Covid 19 është 15 deri më sot dhe mosha mesatare ka qenë 66 vjeç duke variuar deri në 80 vjeç. Të gjithë këta persona kanë pasur sëmundje bashkëshoqëruese.
Janë aktualisht 79 persoma të shtruar në Infektiv, nga të cilët 7 prej tyre në kujdesi intensiv dhe 4 prej tyre në gjendje kritike për jetën, të intubuar. Pjesa tjetër e të shtruarve në pavionë dhe janë të stabilizuar, ashtu sikurse të tjerë që janë në shtëpitë e tyre. Lajm i mirë është se 24 orët e fundit 15 persona janë shëruar nga Covid 19 duke e cuar numrin e shtruarve në 67” tha Bino.
Më tej, ajo përsëriti apelin që të respektohen masat e distancimit social dhe masat e vendosura nga qeveria që parandalojën përhapjen e virusit.
“U rekomandojmë qytetarëve të qendrojnë në shtëpitë e tyre, të mos grumbullohen pranë pallateve duke bërë kafe vec e veç me grumbuj, më shumë se dy persona pasi dhe kjo është pjesë e grumbullimit dhe ndikon në masat e marra nga qeveria në këtë moment, të cilat secili prej nesh po i zbaton. Është një periudhë që do e kalojmë bashkë dhe qytetarët do na japin kohë që të ndërpresim zinxhirin e transmetimit. Jemi në rrugë të mbarë po pa ndihmën tuaj nuk shkojmë askund” tha Bino.
SCAN
Bilanci i COVID-19 në Shqipëri, 1 prill 2020
Posted by RADIO TELEVIZIONI SCAN on Wednesday, April 1, 2020
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.