Rritet çmimi i karburanteve – Nafta 18 lekë/litër më shtrenjtë, Bordi i Transparencës publikon vendimin 1 ditë me vonesë

Çmimet e tregtimit me pakicë të karburnateve pësuan rrtije në datën 22 mars, ndërkohë që ndryshe nga praktikat e mëparshme Bordi i Transparencës publikoi vendimin 1 ditë me vonesë.

Ndonëse çmimet e rritur u reflektuan që në orët e para të mëngjesit, Vendimi i Bordit të Transparencës u publikua pas mesdite. Ndërkohë që, sipas tij në datat 22 dhe 22 mars nafta do të kushtojë 221 lekë/litër, ndërsa benzina 211 lekë/litër. Në krahasim me vendimin e fundit, çmimi i naftës rezulton 18 lekë/ litër më shtrenjtë, ndërsa i benzinës 5 lekë/litër më shumë.

I pandryshur ka mbetur çmimi i gazit, që është përcaktuar sërisht në 93 lekë/litër. Referuar praktikave të mëparshme, vendimet e Bordit publikoheshin përpara se çmimi të reflektohej në tabelat e karburanteve. Ndërkohë që, mbetet e paqartë se përse këtë radhë ai u publikua 1 ditë më pas, ndonëse mbledhja sipas Ministrisë së Financave dhe Ekonomisë është zhvilluar në datën 21 mars.

Për përcaktimin e çmimit final, Bordi ka si referencë çmimin e shpallur nga bursa në Platts i një dite më parë nga mbledhja, ndërsa më pas i shtohet një vlerë prej 20 USD/ton, taksat, tatimet, si dhe marzhi i fititimit për kompanitë e tregtimit me shumicë dhe ato me pakië të karburanteve, që është respektivitisht 1% dhe 5%. Ky çmim është i detyrueshëm për çdo pikë karburanti, ndërkohë që në rast të shkeljes së tij është Inspektorati Shtetëror i Mbikëqyrjes së Tregut, që do të ketë të drejtë aplikimin e gjobave apo heqjen e licencës.

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.