Rritet konsumi i birrës në 5-muaj, afro 2300 ton më shumë se 2016

Konsumi i birrës ka njohur rritje gjatë muajve të parë të vitit. Kështu sipas statistikave zyrtare të Drejtorisë së Përgjithshme të Doganave, për 5 mujorin e parë të këtij viti  sasia e birrës e hedhur për konsum llogaritet të jetë 23 834 ton, ose 2 284 ton më shumë se e njëjta periudhë e një viti më parë.

Kështu në 5 muajt e parë të vitit që shkoi në tregun vendas janë hedhur për konsum 21 550 ton birrë.

Por edhe pse administrate doganore jep vetëm sasinë e konsumuar të këtij produkti, në këto të dhëna nuk specifikohet se sa është sasia e importuar dhe sa është sasia e prodhimit vendas.

Tregu i birrës është ndër më të “lakmuarit” dhe diskutimet për akcizën e birrës në kohën kur diskutohet paketa fiskale janë të ashpra.

Prodhuesit vendas gjithnjë janë ankuar se  është krijuar një treg i pandershëm dhe kanë kërkuar vazhdimisht uljen e taksës së akcizës për këtë produkt, me arsyetimin e  rritjes së produktit vendas dhe rritjen e punësimit.

Aktualisht prodhimi vendas i birrës e ndan tregun ndërmjet katër kompanive kryesore,  Birra Tirana, Birra Stela, Birra Korça dhe Birra Kaon.

Por  një përqindje të lartë në treg zënë edhe  birrat e importit, të cilat në jo pak raste janë favorizuar edhe nga niveli më i ulët i akcizës, duke konkurruar bindshëm prodhimin vendas.

Violeta Shqalsi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.