Rritet numri i bizneseve – Mbi 9400 subjekte të reja regjistrohen në pesë muaj

9477 biznese të reja janë regjistruar gjatë pesë muajve të parë të vitit 2018 në të gjithë vendin. Sipas Drejtorisë së Përgjithshme të Tatimeve, numri i tyre ka shënuar një rritje të konsiderueshme gjatë kësaj periudhe.

Ndërkohë, lidhur me ecurinë e sipas muajve, rezulton se në janar është regjistruar edhe numri më i lartë i bizneseve, konkretisht 2359.

Ndërsa, sa i takon bizneseve të çregjistruara përgjatë kësaj periudhe pesë mujore, numri i tyre në total arriti në 1648.

Sipas të dhënave, pjesa më e madhe e subjekteve janë të përqendruara në kryeqytet, ku vetëm në tremujorin e parë të vitit numëronte 2532 biznese të regjistruara në QKB, ku kryeson regjistrimi i bizneseve të vogla.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.