Rritet numri i infeksioneve në SHBA – CDC: Mesatarja 7-ditore rritet me 25%. Omicron zë 73% – 90% të rasteve të reja

Mesatarja shtatë ditore e rasteve me Covid-19 në Shtetet e Bashkuara është rritur me 25% nga java e kaluar në rreth 149,300 raste në ditë, sipas Qendrës për Kontrollin deh Parandalimin e Sëmundjeve.  Varianti Omicron i koronavirusit përfaqëson rreth 73% të rasteve në vend dhe arrin deri në 90% në disa raste, sipas shefes së agjencisë Rochelle Ëalensky.

“Kjo rritje e përmasës së Omicron është ajo që ne prsinim dhe po përgatitesghim”- tha Ëalensky.  Amerikanët po përballen me një tjetër sezon të Krishtlindjeve me planet peng për pushimet, ndërkohë që rritja e infeksioneve po detyron disa njerëz të anullojnë udhëtimet. Eksperti i lartë i Sëmundjeve Infektive, Anthony Fauci tha se nuk ka rrezik që Amerikanët të mblidhen me të afërmit për sezonin e pushimeve, nëse marrin masa paraprake.

“A është e sigurtë për individët që janë vaksinuar dhe kanë marrë një doë nxitëse që të bashkohen? Përgjigja është po” – tha Fuaci.   Megjithatë, mbledhjet si festat e fundvitit me 30,40 apo 50 njerëz, ku nuk dihet statusi i vaksinimit i individëve, duhet të shmangen, sipas Fauci.  Ndërkohë që infeksionet po rriten,  shumë amerikanë i janë drejtuar qendrave të testimit, apo kanë marrë teste të shpejta në shtëpi, për t’u siguruar se rezultojnë negativë përpara se të takojnë familjet.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.