Rritet numri i të prekurve në Shqipëri! 10 persona rezultojnë pozitivë, 1 rast në Durrës
Numri i të prekurve nga koronavirusi në Shqipëri ka shkuar në 10. Kjo u bë e ditur nga minisstria e Shëndetësisë.
“Deri sot janë testuar në ISHP 114 raste të dyshuara prej të cilave vetëm 10 janë pozitivë. Dhe tek kjo 10 janë ata dy të sëmurët e parë, 6 vetë kontakte të sëmurëve dhe kemi edhe 2 raste të reja të palidhura me këta dy rastet e para. Një i sëmurë në spitalin infektiv dhe ka histori udhëtimi njëditor në Milano dhe është sëmurë pas këtij udhëtimi dhe një person tjetër të shtruar në spitalin e Durrësit” tha zëvëndësministrja e Shëndetësisë.
Zëvëndësministrja u bëri apel qytetarëve që të respektojnë rregullat dhe të evitojnë grumbullimet masive dhe daljet e panevojshme. Numri dy i ministrisë së Shëndetësisë kërkoi që të respektohen rregullat e higjenës vetjake, të evitohen sa më shumë daljet në kafene dhe paralajmëroi se do të ketë masa për transportin publik.
Zyrtarët bënë apel për ruajtje të qetësisë.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.