Rritja dhe krijimi i vendeve të punës – Programi europian që do të zbatohet në Greqi, Bullgari dhe Rumani
Banka Europiane e Investimeve (BEI) dhe Banka Europiane për Rindërtim dhe Zhvillim (BERZH) kanë nisur një program të ri këshillimor për të ndihmuar bizneset e vogla dhe të mesme në Greqi, Bullgari dhe Rumani me qëllim rritjen dhe krijimin e vendeve të punës.
E ashtuquajtura Qendra Këshilluese për Investime Europiane është pjesë e planit të investimeve për Europën, i njohur ndryshe edhe si Plani Juncker,l i cili fo0kusohet në nxitjen e investimeve për të gjëndëruar vende pune në BE përmes përdorimit sa më të zgjuar të burimeve financiare.
Programi do të ofrojë këshilla në 240 ndërmarrje të vogla dhe të mesme në këto tre vende përgjatë dy viteve të ardhshme, duke u mundësuar atyre qasjen në shërbimet e konsulencës për të përmirësuar konkurrueshmërinë e tyre.
Sipas kreut të Shërbimeve Këshillimore të BEI-së, Simon Barnes, disponueshmëria e kufizuar e shërbimeve këshilluese të specializuara është një faktor kyç i cili pengon rritjen e qëndrueshme ekonomike në Greqi.
“Kjo iniciativë e re emocionuese do të trajtojë këtë sfidë të veçantë dhe do të ndihmojë kompanitë në Greqi për t’u zgjeruar, për të krijuar vende pune dhe për të arritur potencialin e tyre të plotë”, shtoi më tej ai.
Plani Juncker parashikon rreth 8 miliardë euro investime në Greqi, tha kreu i Komisionit të BE-së në Athinë.
Shtylla qendrore e planit është Fondi Europian për Investimet Strategjike, i cili siguron një garanci me humbje të parë, duke lejuar BEI-në të investojë në projekte më të rrezikshme.
Programi këshillues drejtohet nga BERZH dhe mbështetet nga Qendra Këshilluese për Investime Europiane përmes financimit nga BE, e plotësuar me bashkëfinancimin e BERZH. Bizneset përfituese janë ato me shitje me më pak se 50 milionë euro dhe kanë më pak se 250 punonjës.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.