Rritja e çmimeve të energjisë – Liberalizimi bizneseve të tensionit të mesëm, Rama paralajmëron skemë lehtësuese
Teksa Enti Rregullator i Energjisë po shqyrton aplikimet për rritjen e tarifave të transmetimit dhe shpërndarjes së energjisë elektrike, kryeministri Edi Rama ka paralajmëruaer një skemë lehtësuese për bizneset e lidhur në tensionin e mesëm, të cilët nga data 1 janar 2022 do të dalin në treg të lirë energjie e që pritet të përballen me çmime tejet të larta për sigurimin e saj.
Gjatë bashkëbisedimit me gazetarët, Rama foli edhe për ambiciet e qeverisë për ta kthyer Shqipërinë në një vend eksportues neto të energjisë deri në vitin 2030. Ai përmendi projektin e hidorcentralit të Skavicës, që do të optimizojë prodhimin në Kaskadën e Drinit apo vënin në punë të Termocentralit të Vlorës. Gjithashtu, Rama u ndal edhe te diversifikimi i burimeve të prodhimit të energjisë, teksa paralajmëroi edhe rritjen e kapaciteteve të prodhimit nga uji.
Aktualisht, vendi ynë prodhon mbi 97% të energjisë nga burimet ujore, çka bën që në periudha thatësirash të ketë varësi të lartë nga importi. Ndërkohë që, pavarëisht se ka shumë kohë që flitet për nevojën për diversifikimin e burimeve të prodhimit të energjisë dhe për potencialet e mëdha që ka Shqipëria për shfrytëzimin e diellit apo erës, ende projektet e realiziuar janë në letër.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.