Rritja e GameStop nuk ndalon! – Është 10-fishuar në Janar prej postimeve në Reddit dhe Elon Musk

Aksionet e shitësit të videolojërave GameStop, janë rritur me 130% ditën e Mërkurë, ndërkohë që investitorët amatorë kanë vazhduar të blejnë aksionin që është 10 fishuar në 2 javët e fundit.  Rritja e aksioneve të GameStop, dhe të tjera përfshirë BlackBerry dhe Nokia, kanë ngritur dyshime mbi ndërhyrje të mundshme rregullatore. Rregullatorët kanë theksuar se tregtimi i aksioneve të GameStop, që janë rritur në $260 nga $20 që prej 12 Janarit,  ka diçka të gabuar nga ana sistematike.

GameStop, BlackBerry dhe Nokia ishin ndër aksionet më të tregtuara në SHBA, përpara nisjes së tregtisë,  ndërkohë që investitorët amatorë kanë ndjekur sugjerime në faqen në rrjet Reddit, në një temë të diskutimit të quajtur “r/wallstreetbets”. Tregtimi i aksioneve të GameStop është ndaluar dhjetëra herë këtë Javë, prej luhatjeve. Investitorët që kanë hapur pozicione për shitje të GameStop, kanë humbur 5 miliardë dollarë.

Megjithatë, disa fonde mbrojtëse kanë refuzuar të mbyllin pozicionet për shitje. Një ndër shkaktarët e fundit të rritjes ishte miliarderi Elon Musk, që shkroi në twitter mbi rritjen e GameStop.   Kompania kaloi 10 miliardë dollarë në vlerë, pasi shefi i Tesla postoi në Twitter një link të temës së diskutimit në Reddit, që ka mbi 2 milionë persona të nënshkruar.   Shumë ekspertë kanë thënë se rritja ka dalë nga kontrolli dhe është e rrezikshme.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.