“Rritja e gazit nuk ka gjasa të menaxhohet” – Total: Ka ardhur nga kërkesa post-Covid. Pritet të tërhiqet pas Dimrit
Gjiganti francez i naftës dhe gazit, TotalEnergies, bëri të ditur se rritja e çmimeve të gazit është shkaktuar nga rimëkëmbja e fortë e kërkesës pas heqjes së masave të Covid-19 dhe çmimet pritet të stabilizohen pas Dimrit. “Nuk mendoj se rritja e çmimit të gazit do jetë e manaxhueshme. Çmimet mund të tëriqen pas Dimirit”- tha Patrick Pouyanne.
Përjashtuar naftës dhe gazit nuk është qasja e duhur në tranzicionin energjitik, sipas tij, që argumenton se mungesa e investimeve në hidrokarbure mund të shkaktojë një krizë tjetër.
Pouyanne tha se ekuilibri mes energjisë në të tashmen dhe të ardhmen është investimi më shumë në dekarbonizim, por në të njejtën kohë, njerëzit duhet të marrin energji të qëndrueshme dhe përballueshme. “Nëse nuk investojmë mjaftueshëm, do kemi një krizë”- tha ai. Ashtu si kompanitë rivale, TotalEnergies ka qenë nën presion nga avokatët e klimës dhe disa aksionerë për të përshpejtuar zhvendosjen nga lëndët djegëse fosile drejt burimeve të pastra të energjisë.
Firma franceze ka argumentuar se lëndët djegëse fosile do vazhdojnë të nevojiten gjatë kësaj periudhe tranzicioni. Total kërkon të përshpejtojë rritjen e investimeve në energji të rinovueshme dhe elektrike, duke i çuar në 3 miliardë dollarë në vit, apo në rreth 25% të totalit të investimeve në periudhën 2021-2025.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.