Rritja e infektimeve mes të rinjve / Fushëbeteja e radhës kundër Covid-19 është jeta e natës
Klubet e natës dhe baret po bëhen me shpejtësi fushëbeteja e radhës në luftën kundër Covid-19, ndërsa ekonomitë po rihapen në shumë vende të botës dhe rastet me koronavirus po fluturojnë, sidomos te të rinjtë. Covid po njeh një rritje të shpejtë në Europë, ndërsa varianti shumë infektues Delta po përhapet mes popullatës së pavaksinuar dhe pjesërisht të imunizuar. Në të njëjtën kohë, shumë vende europiane vendosën të rihapin ekonomitë e natës, duke lejuar klubet dhe baret të funksionojnë normalisht, pas 16 muajsh mbyllje. Në Angli, klubet e natës u lejuan të rihapen që nga data 19 korrik, ndërsa mijëra të rinj po festonin lirinë e tyre, duke mos mbajtur maska apo distancën fizike. Ekspertët tashmë po paralajmërojnë se, lëvizja e Anglisë ishte e rrezikshme, sidomos pasi shumë vende u rihapën jetën e natës dhe e mbyllën disa javë më vonë. Vende si Holanda dhe Spanja e rihapën jetën e natës që në qershor, por bënë një kthesë 180 gradë disa javë më vonë pas shirave në rritje të infektimeve. Sipas autoriteteve, më shumë se 1,000 infektime me Covid-19 ishin të lidhura me një festival që u zhvillua në Utrecht të Holandës në fillim të korrikut. Njësoj si Holanda, edhe Spanja ishte optimiste për rihapjen e klubeve të natës, një përbërës kryesor i sektorit të turizmit. Qeveria spanjolle njoftoi planet për të lejuar 17 rajonet të rihapen klubet gjatë sezonit të verës por me disa rregulla strikte; do të qëndronin hapur deri në 4 të mëngjesit dhe do të kishte një numër të limituar njerëzish. Por, ashtu si Holanda edhe Spanja njohu një rritje të ndjeshme të infektimeve me variantin Delta të koronavirusit dhe disa rajone morën vendime të njëanshme për tu mbyllur përsëri.
Lidion Kulla – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.