Rritja e kredisë / Lajm i mirë, në një vit kur ekonomia nuk po shkëlqen

Në një ekonomi që këtë vit është ngadalësuar ndjeshëm, rritja e kredisë është ndër të paktat lajme të mira. Guvernatori i Bankës së Shqipërisë, Gent Sejko, tha pas mbledhjes së Këshillit Mbikëqyrës, se kreditimi më në fund po gjen një bazë të gjerë rritjeje, duke qenë një sinjal shumë inkurajues për të ardhmen e ekonomisë. Njëkohësisht, Guvernatori tha se raporti kredive me probleme ka zbritur në 10.6%, një rekord i ri për dekadën e fundit.

“Kredia për sektorin privat shënoi një rritje prej 7.5% në tremujorin e tretë të vitit. Përmirësëmi i dedikohet si zgjerimit të kërkesës ashtu edhe përmirësimit të ofertës së kredisë bankare. Kjo e fundit pasqyron jo vetëm përmirësimin e vazhdueshëm të sektorit tw ambientit të kreditit dhe bilancit të sektorit bankar, siç edhe tregohet nga rënia me 10.6% të rënies së kredive me problem, por edhe rritjen e konkurencës në sistem me përfundimin e procesit të konsolidimit të sektorit bankar.

” Për sa i takon zhvillimeve ekonomike, analiza e Bankës së Shqipërisë nuk solli risi domethënëse në raport me muajt e mëparshëm. Sejko tha se ngadalësimi i ekonomisë në gjysmën e parë të vitit i detyrohet përmbysjes së situatës energjetike, mbylljes së lojërave të fatit dhe përfundimit të gazsjellësit TAP.

Ai tha se këta faktorë do të vazhdojnë ta ndikojnë ekonominë edhe në pjesën e dytë të vitit, por më tej perspektivat e rritjes ngelet përgjithësisht pozitive. Banka e Shqipërisë pret që ekonomia të kthehet në nivelet e rritjes potenciale prej rreth 3.5% për vitin e ardhshëm.

“Rritja ekonomike vijoi të jetë e ngadaltë në tremujorin e dytë, në linjë me ecurinë e vënë re edhe në tremujorin paraardhës. Në opinionet e këshillit kjo ecuri është dëmtuar më së shumti nga goditje të përkohshme të ofertës,por gjithsesi ajo nuk ndryshon pritshmëritë tona për rritjen e ekonomisë në afatmesëm.

Parashikimet tona sugjerojnë se ritmi i rritjes do të përmirësohet në dy vite, duke vendosur edhe inflacionin në objektiv brenda kësaj periudhe kohore. Në këto rrethana qwndrimi aktual stimulus i politikws monetare vlerwsohet tw jetw i pwrshtashwm.

Gjithsesi Këshilli vëren se rreziqet e krahut të poshtëm janë forcuar dhe se materializimi i tyre mund të diktojë një lehtësim të mëtejshëm në politikën monetare në të ardhmen.” Orientimi për kursin e politikës monetare nuk ka ndryshuar nga mbledhja e mëparshme.

Këshilli Mbikëqyrës nuk pret rritje të normës bazë të interesit para mesit të vitit të ardhshëm, por theksoi edhe njëherë se ekziston mundësia për një ulje të mëtejshme të saj, nëse rreziqet e shtuara për rritjen e prodhimit dhe të çmimeve do të materializohen.

I pyetur lidhur me projektligjin për kriptovalutat, Guvernatori u rezervua të jepte një opinion. Ai tha se monedhat virtuale janë një risi teknologjike që mund të sjellin avantazhe, por edhe rreziqe që duhen menaxhuar me kujdes.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.