Rritja e pasurive të paluajtshme në Kinë, rënie gjatë vitit 2018
Kreditë për sektorin e pronave të paluajtshme në Kinë janë rritur me një ritëm më të ngadalshëm në vitin 2018, ndërsa Pekini ka shtrënguar rregullat e blerjes së shtëpive në mënyrë që të frenojë rrezikun e flluskës. Por sipas të dhënave të Bankës Qendrore të Kinës, pronat u rritën më shpejt saç ishin rritur një vit më parë.
Bankat Popullore të Kinës (PBOC) u rritën rreth 20 për qind nga një vit më parë në 38.7 trilionë juanë ose ($ 5.72 trilionë) deri në fund të dhjetorit, krahasuar me 20.9 për qind rritje në vitin 2017. Kreditimi i papaguar i hipotekave u rrit 17.8 për qind nga viti në vit në 25.75 trilionë juanë deri në fund të vitit 2018, nën një rritje prej 22.2 për qind në vitin 2017, treguan të dhënat e bankës qendrore.
Politikëbërësit janë zotuar të sigurojnë një zhvillim sa më “të qëndrueshëm dhe të shëndetshëm” për sa i përket tregut të pronës, duke theksuar vazhdimisht se shtëpitë janë për të jetuar, jo një investim spekulativ.
Qëndrimi i qëndrueshëm i qeverisë për të reduktuar rreziqet e borxhit në ekonomi ka ftohur disi tregun e pronës, por një rënie e vazhdueshme në rritjen e kreditimit në këtë sektor mund të shtojë presionet në rritje në ekonominë e dytë më të madhe në botë.
Sektori i pasurive të paluajtshme është një nxitës kryesor i rritjes ekonomike, kështu që çdo dobësi e mëtejshme mund të ndikojë në ritmin dhe shtrirjen e hapave të stimujve të rinj që priten nga Pekini gjatë këtij viti.
Investimet e pasurive të paluajtshme në dhjetor u rritën me 8.2 për qind nga një vit më parë, nga 9.3 për qind në nëntor, sipas llogaritjeve të Reuters bazuar në të dhënat e publikuara nga Byroja Kombëtare e Statistikave.
Zhvilluesit e kanë ngritur huazimin e tyre vitin e kaluar edhe pse kreditë e shtuara për zhvillim të pronës u rritën në 22.6 përqind në vitin 2018 kundrejt rritjes prej 21.7 përqind në vitin 2017, thotë raporti. Banka qendrore gjithashtu tha se kreditë e papaguara familjare u rritën me 18.2 për qind në 47.9 trilionë juanë deri në fund të vitit 2018.
Ada Xhagolli/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.