Rritja e pensioneve në 4 vite, Rama: Do të shpërblejmë me 10 mijë lekë çdo fundviti pensionistët
Në Vlorë kreu i socialistëve ka zhvilluar një takim me pensionistët edhe veteranët. Rama ka sjellë në vëmendje të pensionistëve se me reformën që kanë ndërmarrë në katër vite qeverisje kanë mundur që të rrisin pensionet deri në 40%, ndërsa për veteranët e luftës është bërë një rritje deri në 16%.
Rama premtoi se në katër vite e ardhshme pensionet do të vijojnë të rriten, ndërkohë që ka premtuar shpërblim për pensionistët deri në 10 mijë lekë çdo fund viti.
Partia që Rama drejton ka bërë të mundur që me reformën e ndjekur të përfitojnë pension social rreth 5 mijë gjyshe dhe gjyshër që kanë qenë të përjashtuar nga skema e pensioneve deri në 2013.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.