Rritja e popullsisë – Fshati italian ofron 2,100 dollarë për këdo që shkon të jetojë aty

Një fshat në Itali premton qira të lirë dhe ofron 2,170 dollar për këdo që shkon të jetoj aty, në përpjekje për të ndalur rënien e popullsisë.

Kryebashkiaku Daniele Galliano i Bormidës shpreson se shumë persona do të nxiten të shkojnë dhe fshati malor në Italinë verilindore do të marr një frymë të re. Të gjithë ata që do të zgjedhin të zhvendosen aty, do të paguajnë një qira prej 54 dollar (50 euro) në muaj, dhe do të bashkëjetojnë me 394 banorë të fshatit.

“Njerëzit që kërkojnë një shije të jetës rurale janë të ftuar të bëjnë kërkesën e tyre ose me telefon, me shkrim ose personalisht” tha kryebashkiaku në një postim në rrjetet sociale.

Të gjithë ata që do duan prona më të mëdha, qiraja do të arrijë deri në 130 dollar (120euro).

Ndërsa bonusi shtesë prej 2,100 dollar, pritet të jepet në 2018 pasi të kryen të gjitha procedurat e nevojshme, shkruan Galliano një postim në facebook.

Programi nxitës u krijua fillimisht në vitin 2014 për të tërhequr vendasit e rinj për të ndihmuar në rritjen e popullsisë në fshatin e vogël. Që atëherë popullsia e përgjithshme është rritur me katër, ndonëse 54 vetë janë larguar.

Gjatë viteve 1950, popullsia e fshatit ishte më shumë se dyfishi i nivelit aktual në mbi 800 banorë, por popullsia u zhvendos ngadalë në qytete më të mëdha në kërkim të një arsimimi më të mirë dhe mundësive të punësimit.

Ku ndodhet fshati:

Bormida ndodhet në rajonin e Ligurisë, 420 metra mbi nivelin e detit. Qyteti më i afërt, Genoa, është 50 milje larg.

Eralda Zito/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.