Rritja ekonomike – Banka e Francës pritet të ulë parashikimet javën e ardhshme
Banka e Francës pritet të ulë parashikimet e saj për ekonominë franceze javën e ardhshme. Deklarata ka ardhur të premten nga guvernatori i Bankës së Francës, Francois Villeroy de Galhau.
Ndërsa nuk u ndal në detaje specifike lidhur me reduktimin e mundshëm të parashikimit mbi rritjen ekonomike, Villeroy shtoi se ekonomia franceze po tenton të jetë më ‘elastike’ në një kohë kur ka një ngadalësim të ekonomive të vendeve të eurozonës.
“Rritja po tenton të jetë me elastike dhe mbi mesataren e eurozonës për herë të parë në shumë vite”, tha Villeroy për BFM Business.
Banka e Francës aktualisht ka parashikuar një rritje të ekonomisë prej 1.5 për qind përgjatë 2019, ndërkohë që ky tregues është parashikuar në 1.7 për qind nga qeveria franceze.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.