“Rritje çmimesh për qytetarët” – Rrapaj: Ndryshimet në bujqësi, eksperiment i dështuar
Tre ndryshimet fiskale e ndërmarra në sektorin bujqësor për vitin 2022, do të pasojnë rritje çmimesh të produkteve bujqësore dhe blegtorale për konsumatorët.
Në një intervistë për SCAN, Kryetari i Këshillit të Agrobiznesit Shqiptar, Agim Rrapaj, shprehet se iniciativa e Ministrisë së Financave për zerimin e rimbursimit të TVSH-së, është një eksperiment i dështuar.
Rrapaj shikon me shqetësim edhe vendosjen e tatimit prej 10% për inputet bujqësore si dhe goditjen e industrisë së qumështit.
Kundër ndryshimeve fiskale në sektorin bujqësor, të cilat nuk janë konsultuar me grupet e interesit, kanë qenë edhe deputetët e mazhorancës dhe opozitës në Komisionin Parlament të Ekonomisë dhe Financave.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.