Rrjetet ‘vetë – shëruese’ dhe e ardhmja e energjisë elektrike – Ja si parashikohet të jetë
Ndezja e dritës apo vendosja e celularit për t’u karikuar kanë një rëndësi të madhe , pasi mbështeten në drejtimin e një rrjeti elektrik. Departamenti Amerikan i Energjisë po planifikon vendosjen e një sistemi i cili shkurton kohën e nevojshme për të “riaktivizuar” pjesët e dëmtuara të rrjetit në më pak se 30 sekonda.
Ai e ka përshkruar këtë rrjet elektrik si një ‘grup të ndërlidhur të linjave të energjisë dhe pajisjeve të lidhura.’ Ky sistem do të përdoret për të lëvizur energjinë elektrike në tension të lartë mes pikave ku është dërguar në sisteme të tjera elektrike ose transformohet në një tension më të ulët dhe u dërgohet konsumatorëve.
“Efektet e një ndërprerje mund të ndikojnë në bankat elektronike, qasja në internet, në komunikimin telefonik apo dhe në transportin publik”, tha Rob de Jongh i Schneider Electric për CNBC.
Por në spitale apo qendra të sistemeve të të dhënave, sipas tij kjo është edhe më e rrezikshme. Për momentin është e mundur që furnizuesit e energjisë të tregojnë se ku ka ndërprerje, por izolimi se ku dhe çfarë problemi mund të jetë më i komplikuar. Tekniku mund ta identifikojë problemin dhe të përpiqet ta rregullojë atë, proces i cili mund të marrë edhe disa orë.
Kështu, në Roterdam është vendosur një ndërmarrje e madhe ‘Stedin’ e cila shërben në portin kryesor të qytetit. Mbajtja e një rrjeti të besueshëm është e rëndësishme si për të ashtu edhe për portin.
Schneider Electric ka bashkëpunuar me ndërmarrjen në fjalë për instalimin e një rrjeti nëntokësor ‘vetë-shërues’, i cili u përurua në vitin 2012. Janë instaluar rreth shtatë sisteme të tilla në 33 nënstacione në Roterdam.
Kështu, një nënstacion mund të përdoret për të ulur tensionin e energjisë elektrike, duke e bërë atë më të sigurt dhe më të lehtë për të dërguar energji elektrike në biznese dhe ndërtesa banimi.
“Nëse një defekt ndodh, këto njësi do ta zbulojnë atë dhe do të komunikojnë me njëri-tjetrin. Kështu, ato do të përpiqen të gjejnë defektin duke përdorur diagnostikimin e komunikimit ”, tha de Jongh.
Sipas tij, pasi kjo bëhet, njësitë e sistemit do të rilidhin pjesët e rrjetit dhe konsumatorët do të marrin energji sa më shpejt të jetë e mundur.
Pra, nëse në një sistem të zakonshëm energjie një elektricisti i duhen disa orë për të riparuar defektin, nëpërmjet këtij sistemi ‘vetë-shërues’ shkurtohet koha e rilidhjes së linjës në më pak se 30 sekonda.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.