Rrjetëzimi për zhvillimin rural – Nis projekti për parlamentin e dytë i mbështetur nga BE

Nis projekti për parlamentin e dytë rural shqiptar i financuar nga Bashkimi Europian. I pranishëm në takimin e zhvilluar me përfaqësues të shoqërisë civile zëvendësministri i bujqësisë, Ilir Halilaj theksoi se është e rëndësishme që të shfrytëzohen potencialet që ka vendi ynë, por kjo vjen vetëm përmes projekteve të tilla që synojnë orientimin dhe bashkimin e fermerëve.

Sipas drejtorit të Institutit për Demokraci dhe Ndërmjetësim, i cili do vërë në zbatim projektin, Sotiraq Hroni, synohet fuqizimi i shoqërisë civile në këto zona e cila do të orientojë punën drejt mbledhjes së iniciativave.

Fondi që pritet të miratojë Bashkimi Europian për zhvillimin rural është 4 milion euro, i cili do të ndahet në formë grantesh për nismat që do të ndërmerren.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.