“Rruga e Arbrit fillon për 30 – 45 ditë”, Rama: Diskutime edhe me qeverinë maqedonase
Brenda harkut kohor 30-45 ditëve do të fillojë puna për ndërtimin e rrugës së Arbrit. Lajmi bëhet i ditur nga kryeministri Edi Rama në mbledhjen e grupit parlamentar të PS. Rama tha se në mbledhjen e qeverisë që do të mbahet javën e ardhshme në Pogradec, do të diskutohet edhe me qeverinë e shtetit fqinjë Maqedonisë për të bërë lidhjen e nevojshme me këtë rrugë.
“Procesi i finalizimit të rrugës së Arbrit është në përfundim. Ministria ka nisur negociatat për termat e negociatës me kompaninë që rezultoi fituese në garë dhe në harkun e 30-45 ditëve kontrata do të finalizohet dhe puna për rrugën e Arbrit do të fillojë deri në përfundimin e këtij aksi të rëndësishëm për të cilën bashkë me Ministrinë e Jashtëm kemi çelur diskutimin me qeverinë maqedonase. Në mbledhjen që do bëjmë në Pogradec do kemi si pikë diskutimi nevojën që nga pala maqedonase të bëhet lidhja e nevojshme që kjo rrugë të ketë edhe dimensionin rajonal”.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.