Rruga ish-fabrika e Plasmasit–Karbunarë – FSHZH: Nis puna për rikonstruksionin
Ka nisur puna për rikonstruksionin e rrugës nga ish-fabrika e Plasmasit deri në dalje të Karbunarës, një segment me gjatësi rreth 1.6 kilometra.
Projekti i cili po zbatohet nga Fondi i Shqiptar i Zhvillimit, parashikon 2 korsi për automjetet me nga 4 metra, vepra arti në të dyja anët për mbledhjen dhe kullimin e ujërave si dhe trotuare në të dy anët, ku rruga përshkon zona të banuara.
Sipas FSHZH-së, ky segment rrugor kalon në një zonë ku një popullsi e konsiderueshme banon dhe zhvillon aktivitet social-ekonomik. Si rrjedhojë, ndërhyrjet në infrastrukturën rrugore si dhe ato në sistemin e kanalizimeve pritet të kenë një impakt pozitiv si për banorët ashtu edhe në mjedis.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.