Rruga Kukës-Morinë – Sonila Qato: Hapet e plotë së shpejti (FOTOT)

Drejtoresha e Autoritetit Rrugor Shqiptar, Sonila Qato, ka inspektuar nga afër ecurinë e punimeve të 7 urave (Viadukteve)  të ndërtuara tashmë në rrugën kombëtare Kukës-Morinë pak ditë përpara hapjes për trafik, sipas njoftimit të publikuar në faqen zyrtare.

Gjithashtu janë përfunduar rakordimet në infrastrukturë, për lidhjen e plotë të rrugës dhe aksesin nga mjetet në të dy drejtimet e saj, për të garantuar kështu sigurinë rrugore dhe standardet e miratuara, vazhdon mesazhi.

‘ARRSH dhe Kontraktori po punojnë të organizuar në këtë vepër madhore dhe me intensitet të plotë këto ditë me qëllim që rruga të jetë e hapur për përdorimin e mjeteve shumë shpejt,’ shkruhet në njoftim.

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.