“Rrugë e Kombit”, Dhomat e Tregtisë: Tarifa sipas standardeve ndërkombëtare, dënojmë aktin vandal
Bashkimi i Dhomave të Tregtisë në një konferencë për media ka dënuar aktin e të shtunës në Kukës ku u dëmtua pika ku paguhet tarifa për “Rrugën e Kombit”. Nga ana tjetër njëzëri të gjithë përfaqësuesit kanë deklaruar se tarifa është përcaktuar nga standarde ndërkombëtare.
“Dënojmë çdo akt vandal që ka shkatërruar një pasuri të sipërmarrjes private. Nga ana tjetër ne mbështesim çdo qytetar dhe sipërmarrje që kërkon transparencë, dialog dhe lehtësim. Tarifa për rrugën e kombit është përcaktuar nga analiza e institucione ndërkombëtare. Pas 6 muajsh ka hapësira për negociata për tarifën për sipërmarrësit me frekuencë të shpeshtë”, deklaroi kreu i Dhomës së Tregtisë për Tiranën, Nikolin Jaka.
“Kjo është një kontratë e iniciuar nga ekspertët. Pas ndërtimit të rrugës ka dhe shumë punë të tjera për të bërë. Mirëmbajtja ja një kosto shumë të lartë. Hapësirat për të negociuar këtë tarifë janë pothuajse zero. Pasi investimi dhe kostoja e mirëmbajtjes janë në minimumin e tyre. Standardin e kanë përcaktuar konsulentët ndërkombëtar të licencuar, dhe kjo vlerë është në minimumin e saj”, shtoi kreu u Shoqatës së Inxhinierëve teknik.
“Dënojmë dhunën ndaj biznesit, nuk jep imazh të mirë për investitorët e huaj. Kemi pasur takimi me koncesionarët. Do shohin mundësi ulje për banorët e Kukësit”, tha Filip Gjoka, kreu Prodhuesve Shqiptarë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.