Rrugë e re në Krrabë, Veliaj: Do të zhvendosim bizneset në periferi

Rreth 3 mijë banorë të Krrabës tashmë kanë një rrugë të re për tu lidhur me lehtë me kryeqytetin, dhe pasur më shumë akses në shërbime, lehtësi për lidhjen me tregjet dhe zhvillimin e agroturizmit.

Kryebashkiaku Erion Veliaj inspektoi investimin në infrastrukturë, ku theksoi se fokus është zhvillimi i periferisë, duke ndihmuar në këtë mënyrë ekonomitë e këtyre zonave.

“Arsyeja pse u bë Tirana e madhe është pikërisht kjo që dhe në vende që janë me pak banorë, ku ka pak fuqi ekonomike, bashkia e madhe duke i përfshirë mund të bëjë investime në Krrabë, në Dajt në Zallbastar të cilat komunat e vogla nuk i bënin dot, dhe besoj se kjo është  provë se pse kjo është e suksesshme, pikërisht për të përballuar shpenzime që veç e veç asnjë komunë si bënte dot”, deklaroi Veliaj.

Kryebashkiaku Veliaj bëri me dije ndër të tjera, se do të nxiten bizneset që të zhvendosin aktivitetet e tyre në njësitë administrative në periferi të kryeqytetit.

Veliaj njoftoi gjithashtu se do të reduktohen kostot për transportin publik në zonën e Krrabës dhe Baldushkut, si dhe do të seleksionohen kompanitë që ofrojnë shërbimin e pastrimit, sipas performancës së tyre.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.