Rrugët në 2016 – U ndërtuan vetëm 5.7 km me kosto trefish
Në vitin 2016 Ministria e Transportit ka ndërtuar në total 19.4 kilometra rrugë, nga të cilat 13.7 kilometra janë ndërtuar nga financimi i huaj, ndërsa 5.7 kilometra nga financimi i brendshëm.
Nga të dhënat zyrtare të Ministrisë së Transportit, 5.7 kilometra rrugë janë ndërtuar me një kosto 4.3 miliardë lekë, shkruan gazeta “Mapo”. E llogaritur në kosto për kilometër, në financimin e brendshëm, një kilometër ka kushtuar 767 milionë lekë ose 5.6 milionë euro.
Ndërkohë statistikat tregojnë se kostoja e ndërtimit të rrugëve me financim të huaj ka qenë shumë më e ulët. Kështu nga financimet e huaja, 13.6 kilometër janë ndërtuar me kosto 3.3 miliardë lekë.
Përllogaritjet tregojnë se një kilometër rrugë e financuar nga fondet e huaja është vetëm 1.7 milionë lekë.
Nëse krahasohet ndërtimi i rrugëve me financim të brendshëm me atë të financimit të jashtëm, shteti ka paguar gati trefish më shumë për një kilometër rrugë.
Eralda Zito/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.