Rumania merr 68 mln dollarë nga BE për të modernizuar transportin e Danubit
Një nga zyrtarët e Bashkimit Europian thotë se Rumania do të marr i rreth 59 milionë euro ose (68 milion dollarë) për modernizimin e rrugëve të transportit përgjatë lumit Danub. Corina Cretu, Komisionerja Europiane për Politikën Rajonale, tha në një deklaratë se paratë nga fondet e BE do ti hapin rrugë një “potenciali mjaft të gjerë të trafikut komercial të lumenjve” e cila do të nxisë ekonominë rajonale, duke parashikuar që trafiku i lumit të rritet me 50 për qind.
Cretu tha se investimi i parashikuar do ta bëjë lundrimin e lumenjve më të sigurt dhe do të mbrojë zonat e rrezikuara nga përmbytjet. Paratë do të investohen në modernizimin e dy porteve në Rumaninë lindore që lidh Danubin me Detin e Zi.
Danubi është lumi i dytë më i gjatë i Europës pas Vollgës dhe rrjedh nëpër nëntë vende, duke filluar në Pyllin e Zi të Gjermanisë, përpara se të kalojë nëpër Austri, Sllovaki, Hungari, Kroaci, Serbi, Bullgari, Rumani dhe Ukrainë.
Ada Xhagolli/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.