Rumania, në “gjunjë” nga pandemia – Spitalet në mbikapacitet, ndërkohë që vendi lufton me valën e katërt të COVID
Pacientët me koronavirus kanë mbushur spitalet në Rumani, ndërkohë që shteti i Europës Lindore po përballet me valën e katërt, të cilën Organizata Botërore e Shëndetësisë e përshkroi si “tejet shqetësuese”. Rritja e numrit të rasteve, veçanërisht në Europën Lindore, kanë nxitur debat nëse duhet të riprezantohen masat e karantinës përpara Krishtlindjeve dhe se si të binden më shumë njerëz për t’u vaksinuar.
Rumania, në krye të valës që po godet Europën, raportoi shifra rekord ditore të koronavirusit në Tetor dhe autoritetet thonë se spitalet janë në mbikapacitet. Në 24 orët e fundit Rumania raportoi rreth 9,000 raste me Covid, pranë nivelit rekord, ndërkohë që nuk kishte më shtrate të disponueshme tek njësitë e kujdesit intensiv. Vendi ka normën e dytë më të ulët të vaksinimit në Bashkimin Europian. Vetëm 1/3 e popullsisë së rritur është vaksinuar plotësisht, pavarësisht së shifrat ditore të vaksinimit po rriten shpejtë.
Rumania e bëri të detyrueshme veshjen e maskave në vendet publike dhe pasaportat shëndetësore javën e kaluar si dhe riprezantoi shtetrrethimin gjatë natës. Që prej fillimit të pandemisë, Rumania, një vend me 19.2 milionë banorë, ka regjistruar mbi 1.6 miliojnë raste pozitive dhe 49,115 vdekje të lidhura me Covid, sipas OBSH. Europa pati një rritje me 6% të rasteve të reja në javën e kaluar, me rreth 1.8 milionë në ditë, krahasuar me javën e kaluar. Numri i vdekjeve u rrit me 12% në të njejtën periudëh. Sllovakia, Kroacia dhe Sllovernia, kanë raportuar të gjitha rekord të rasteve ditore në 24 orët e fundit.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.