Rusët votojnë për parlamentin/Partia “Rusia e Bashkuar” pro presidentit Putin synon një shumicë të re
Rusët i janë drejtuar kutive të votimit ditën e Premte, për të zgjedhur një parlament të ri në një votim 3-ditorë, ku partia qeverisëse Rusia e Bashkuar pritet të fitojë, pavarësisht rënies së vlerësimeve pas sulmit më të ashpër ndaj kundërshtuesve të Kremlinit ndër vite. Votimi përbën një testim për presidentin Vladimir Putin, pasi kremlini përballet me kritika mbi rënien e standardeve të jetesës dhe marrëdhënieve të vështira me perëndimin.
Te votimi do të varet mazhoranca e partisë në parlamentin me 450 vende, që vitin e kaluar ndihmoi Putin të bëjë reforma në kushtetutë për të lejuar atë të kandidojë përsëri dhe të ketë mundësinë të qëndronë në pushtet deri në vitin 2036. Votimi do vazhdojë deri ditën e diel dhe shihet si një praktikë për zgjedhjet presidenciale të vitit 2024, që do të jetë një moment tejet i ndjeshëm për Kremlinin, nëse do të zgjedhë një tranzicion politik për një lider të ri.
Putin, ish oficer i KGB, që mbush 69 vjeç në muajin e ardhshëm, nuk ka thënë nëse do të synojë rizgjedhje kur të mbarojë mandati në vitin 2024. Ai kë shërbyer si president apo kryeministër që prej vitit 1999. Kritiku më i madh i liderit rus, i burgosuri Alexei Navalny, shpreson se një fushatë taktike e votimit e drejtuar nga ekipi i tij në dëbim, mund të heqë vëmendjen nga Rusia e Bashkuar dhe të cënojë përpjekjen për të fituar një shumicë të re bindëse.
Ish-avokati 45-vjeçar, lëvizja e të cilit u etiketia si ekstremiste këtë verë, u burgos në muajin Mars, pasi u shërua nga një helmim, me një agjent nervor të stilit sovietik. Aleatët e tij, që e akuzojnë Kremlinin për sulmimin e aleatëve, nuk kanë shans të fitojnë fare pak vend në politikë, pasi janë ndaluar së kandiduari për shkak të shoqerimit të tyre me rrjetin e Navalny.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.