Rusia ka shumë besim tek vaksina! Do të mbajë përgjegjësi ligjore, ndryshe nga prodhuesit e tjerë në botë
Rusia ka aq shumë besim tek vaksina e Covid-19 sa që do mbajë përgjegjësi ligjore nëse gjërat nuk shkojnë si ç’duhet, në vend që ta kalojë të gjithë rrezikun tek blerësit. Vendimi i lë zhvilluesit shtetërorë të vaksinës të cënuar përballë pretendimeve të kushtueshme të kompensimeve, nëse ka ndonjë efekt-anësor të papritur. Kjo është diçka që shumë prodhues të vaksinave po përpiqen ta shmangin, duke kërkuar mbrojtjte të plotë të pretendimeve ligjore për dëmshpërblim, nga shteti blerës i vaksinës. Kjo qasje është ndryshe nga shumë vende të botës. Në Shtetet e Bashkuara, përgjegjësitë për vaksinën e Covid-19 janë transferuar plotësisht tek qeveria.
Kjo mbron prodhuesit për shkak se përhapja e injeksionit është një përfitim për të gjithë shoqerinë. Ndërkohë që gara botërore e vaksinës po merr vrull dhe shumë prej tyre po testohen tek njerëzit, mbështetësit e vaksinës ruse “Sputnik-V” i shohin dëshmërblimet si një mjet për të fituar pjesë tregu.
“Rusia ka aq shumë besim tek vaksina sa që nuk ka kërkuar për mbrojtjte nga dëmshpërblimet. Ky është një faktor diferencues kundër çdo vaksine perëndimre”-, tha Kirill Dimitriev, kreu i Fondit Direkt të Investimeve, që po financon vaksinën. Prodhuesit e vaksinës në të gjithë botën po tkurrin vitet që duhen për të zhvilluar injeksionin në vetëm pak muaj, duke ngritur dyshime mbi pasojat dhe duke e kthyer kompensimin në çështje kyç të negociatave. AstraZeneca në Britani, që po zhvillon vaksinën me Universitetin e Oksfordit, ka marrë mbrojtje të plotë nga çdo pretendim ligjor në të ardhmen nga shumë shtete, që ka nënshkruar marrëveshje.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.