Rusia miraton rritjen e taksës së grurit – Përpiqet të stabilizojë çmimet ushqimore në vend nga kriza e Covid-19

Qeveria ruse ka miratuar zyrtarisht propozimin për të vendosur një taksë më të lartë të eksportit të grurit nga data 1 Mars, në përpjekje për të frenuar rritjen e brendshme të çmimeve ushqimore, të nxitur nga kriza e Covid-19.  Rusia është një nga eksportuesit më të mëdhenj në botë të grurit. Çmimet botërore të grurit janë rritur pas propozimit fillestar të rritjes së kësaj takes nga Rusia, prej pritshmërive se blerësit do preferojnë grurin e vendeve të tjera.

Qeveria miratoi një taksë të eksportit të grurit prej 50 euro për ton, nga 1 Marsi në 30 Qershor, krahasuar me 25 euro për ton që është aktualisht.  Për elbin dhe misrin është vendosur gjithashtu një taks prej 10 dhe 25 euro për ton respektivisht, nga 15 Marsi më 30 Qershor.

Ky vendim shton masat për të stabilizuar çmimet e drithërave, të nisura nga qeveria në fund të vitit të kaluar.  Çmimet tek tregu i brendshëm i drithërave janë luhatur nga rritja e çmimeve botërore, sipas një deklarate të zv/ministrit të ekonomisë, Vladimir Ilychyov. Moska do vazhdojë të monitorojë situatën dhe është e gatshme për të rregulluar më tej mekanizmin për eksportet e drithërave nëse duhet.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.