Rusia përpiqet sërish të fitojë miratimin e KB për rezolutën e pandemisë: Jo më sanksione të njëanshme dhe praktika proteksioniste!
Rusia po përpiqet përsëri të fitojë miratimin e Asamblesë së Përgjithshme të KB për një rezolutë mbi pandeminë e koronavirusit, dukelëshuar një thirrje për të përfunduar sanksione të njëanshme pa miratimin e Këshillit të Sigurimit të KB por duke vazhduar kërkesën për t’i dhënë fund praktikave proteksioniste.
Organi botëror me 193 anëtarë ka kohë deri mesditën e të mërkurës, që të shqyrtojë projekt-rezolutën e rishikuar ruse, e cila quhet një “Deklaratë e solidaritetit të Kombeve të Bashkuara përballë sfidave të paraqitura nga sëmundja koronavirus.”
Draft-rezoluta origjinale ruse, e cila u bashkë-sponsorizua nga Republika e Afrikës Qendrore, Kuba, Nikaragua dhe Venezuela, nuk arriti të fitojë miratimin në 2 Prill. Diplomatët thanë se Bashkimi Europian, Mbretëria e Bashkuar, Shtetet e Bashkuara dhe Ukraina e kundërshtuan atë.
Projekt-rezoluta e rishikuar ruse, e cila u dërgua shteteve anëtare të Premten nga Presidenti i Asamblesë së Përgjithshme Tijjani Muhammad-Bande, që rrit ndjeshëm numrin e bashkë-sponsorëve në rreth 30, lëshon një thirrje për t’i dhënë fund luftërave tregtare, dhe shton një numër dispozitash të reja.
Një shtesë në dokument shpreh shqetësim të madh për “ndikimin negativ të përhapjes së COVID-19 në shëndetin publik dhe ekonominë globale”, dhe bën një angazhim për të ndjekur “veprime të koordinuara dhe vendimtare që synojnë mposhtjen e pandemisë, të udhëhequr nga fryma e solidaritetit dhe bashkëpunim ndërkombëtar. “(AP)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.