Rutte njofton ‘bllokim të pjesshëm’ të ri në Holandë – Austria dhe Gjermania gjithashtu priten të vendosin masa të reja!
Holanda do të hyjë në një bllokim të pjesshëm tre-javor, njoftoi kryeministri në detyrë të premten në mbrëmje. “Sonte kemi një mesazh shumë të pakëndshëm me vendime shumë të pakëndshme dhe me ndikim të gjerë”, tha Mark Rutte në një fjalim televiziv.
Bllokimi, i cili fillon të shtunën në mbrëmje, do të shohë baret, restorantet dhe supermarketet të mbyllen në orën 20:00 dhe dyqanet jo thelbësore të mbyllin dyert e tyre në orën 18:00. Sportet profesionale do të luhen në stadiume të zbrazëta dhe u kërkohet njerëzve që të punojnë sa më shumë nga shtëpia.
Njoftimi i Rutte u pasua nga protesta në Hagë, ku rreth 200 demonstrues u përleshën me oficerët dhe policë jashtë Ministrisë së Drejtësisë dhe Sigurisë. Policia përdori ujë për të shpërndarë protestuesit.
Autoritetet në disa vende të Europës Perëndimore po përgatiten gjithashtu për kufizime të reja të mundshme për të frenuar rastet në rritje të koronavirusit, pasi pandemia po hedh një hije të afërt mbi dimrin e ardhshëm.
Austria po peshon bllokimet për njerëzit e pavaksinuar, ndërsa agjencia shëndetësore e Gjermanisë ka bërë thirrje që ngjarjet e mëdha të anulohen. Numri i rasteve të reja në 31 vendet e BE/EEA u rrit me 19% javë në javë, zbuloi Qendra Europiane për Parandalimin dhe Kontrollin e Sëmundjeve (ECDC) në raportin e saj të fundit javor të publikuar të premten.
Kjo rritje është pavarësisht nga normat relativisht të larta të vaksinimit. Ndërsa kombet në Europën Perëndimore kanë të gjitha normat e vaksinimit mbi 60% – dhe disa si Portugalia dhe Spanja janë shumë më të larta – kjo ende lë një pjesë të konsiderueshme të popullsisë së tyre pa mbrojtje.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.