Ryanair, fitimi i parë gjatë pandemisë – Për vitin e plotë, përsëri në humbje. Ngre perspektivën për pasagjerët

Ryanair ka raportuar fitimin e parë tremujor që kur nisi Covid-19, por bëri të ditur se pret një humbje për vitin e plotë prej mbi 200 milionë euro, ndërkohë që do detyrohet të bëjë zbritje për biletat, që të mbushë avionët gjatë Dimrit.  Linja ajrore irlandeze, që operoi më shumë fluturime këtë verë krahasuar me rivalët europianë, raportoi në nisje të javës një humbje pas taksave prej 48 milionë euro për 6 muajt që përfunduan në Shtator, sipër projeksioneve.

Ndërkohë që kompania nuk shpalosi fitimin pas taksave për tremujorin e dytë fiskal, që përfundoi në Shtator,  humbja e raportuar prej 273 milionë euro në tremujorin e parë, nënkupton një fitim prej 225 milionë për periudhën.  Kjo shënon fitimin e parë që prej Tetor Dhjetor 2019, përpara se pandemia të ndalonte udhëtimet. Linja ajrore loë-cost, që është më e madhja në Europë, ka fluturuar 39.1 milionë pasagjerë në 6 muajt që përfunduan në Shtator, 54% më pak se në të njejtën periudhë 2019. Ryanair pritet të rezultojë në një humbje prej 100-200 milionë euro për vitin e plotë financiar, që përfundon më 31 Mars, sipas ekzekutivit Michael O’Leary.

Shefi i kompanisë, që ka thënë se pandemia ka ofruar  mundësitë më të mëdha të rritjes në karrierën e tij prej 3 dekadash,  rriti në shtator objektivin 5-vjecar të Ryanair që të fluturojë 225 milionë pasagjerë në vit, nga 200 milionë që priste më parë.  Linja ajrore deklaroi se pret që të rikthiehet në përfitueshmërinë e para-Covid në vitin financiar që përfundon më 31 Mars 2023.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.