Ryanair paralajmëron për çmimet – Do të bien gjatë Verës prej motit të ngrohtë dhe grevat e pilotëve

Gjiganti i fluturimeve low-cost, Ryanair, paralajmëroi se çmimet mesatare do të bien gjatë verës për shkak të konkurrencës së lartë, motit të pazakontë në Europën Veriore dhe pasigurive të shkaktuara nga grevat e punonjësve.

Çmimet më të ulëta të udhëtimeve, së bashku me stafin e madh dhe kostot më të larta të karburantit, kanë sjellë rënien e fitimit me 20% për kompaninë, nga e njejta periudhë një vit më parë.

Megjithatë,  fitimi prej 319 milionë euro për tremujorin e dytë, ishte në linjë me udhëzimet e kompanisë. Mjedisi i vështirë ka ardhur kryesisht prej kampionatit botëror, valës së të nxehtit në Europën Veriore dhe pasigurisë së konsumatorëve prej grevës së pilotëve, sipas  kreut ekzekutiv të Ryanair, Michael O ‘Leary.

Kompania publikoi rezultatin përpara javës më të keqe të protestave,  ndërkohë që 300 prej 2,400 fluturimeve ditore janë anuluar të Enjten dhe të Premten,  për shkak të grevave në Spanjë, Portugali, Itali dhe Belgjikë.

Ryanair, që fluturon në 37 vende dhe i ka shërbyer 130 milionë pasagjerëve vitin e kaluar,  shmangu grevën përpara Krishtlindjeve duke vendosur të njohë sindikatat tregtare për të parën herë në historinë 32 vjeçare të kompanisë.

Megjithatë, që prej atëherë, ka dështuar të arrijë në marrëveshje për kushtet me shumë prej tyre.

“Ndërkohë që vazhdojmë të angazhohemi me sindikatat në Europë, ne presin greva të mëtejshme në periudhën kryesore të verës”, tha kreu ekzekutiv.

Ai shtoi se Ryanair po konsideron heqjen e avionëve nga disa tregje, përfshirë Irlandën, nëse ndërprerjet vazhdojnë.

“Ne nuk mund të lejojmë që fluturimet e konsumatorëve të ndalojnë, nga një minoritet i vogël i pilotëve”, tha ai.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.