Sa e plakur është Shqipëria? – Eurostat: Vetëm 14% e popullsisë, e moshuar. Jugu dhe Veriu, më në moshë se qendra

Shpërthimi i një pandemie globale me shkaktar virusin Sars-covid-19, ndoshta më shumë se asnjëherë më parë ka rikthyer vëmendjen drejt moshave të treta.

Të dhënat e publikuara së fundmi nga Eurostat tregojnë jo vetëm shtetet e ndryshme të Europës, por edhe rajonet brenda këtyre shteteve, për nga norma e të moshuarve, pra të atyre mbi 65 vjec, në raport me popullsinë. Deri në 65 vjec, gjerësisht vlerësohet si mosha aktive për punë.

Nga këto të dhëna rezulton se shqipëria është një prej vendeve më të reja në Europë, pra që ka më pak të moshuar në përbërje. ( harta ) Në vendin tonë norma e atyre mbi 65 vjec në popullsi, fiksohet në 14%, thonë të dhënat e Eurostat.

Vetëm Maqedonia e Veriut dhe Mali I Zi bashkë më Turqinë janë shtete në të njëjtën kategori nivele me ne, krahasuar me Europën, pra me një normë të të moshurave në më pak se 17.5% të totalit të popullsisë.

Në këtë listë futen edhe disa rajone të Europës lindore, një pjesë e Irlandës, si dhe disa rajone skandinave.

( harta )  Nga krahu tjetër, rajonet më të plakura rezultojnë Toskana, Liguria dhe Piemonte në Itali, së bashku me veriun e spanjës, Greqisë, Francës qendrore si dhe Gjermaninë lindore. Po në Shqipëri si ndahen rajonet?

Jugu rezulton të jetë lehtë më i plakur se qendra dhe veriu. ( harta, e modifikuar ) Në jug norma e atyre mbi 65 vjec mbi totalin e popullsisë ngjitet në 14.2%, në veri në 14.1% dhe në qendër zbret në 13.9%.

Roel Korkuti / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.