Sa është vlera monetare e dëmeve të shkaktuara nga tërmeti? Raporti publikohet me 16 janar 2020
Pas sigurimit të strehimit të përkohshëm të banorëve të prekur nga tërmeti, kemi nisur tashmë një prej fazave më të rëndësishme në adresimin e dëmeve të shkaktuara nga ky tërmet, atë të verifikimit të dëmeve në banesa.
Referuar deklaratës së bërë nga ministri fuqiplotë Bledi Çuçi, procesin i vlerësimit të dëmeve në banesa është organizuar në dy faza, në pajtim me praktikat standarte ndërkombëtare.
Gjatë periudhës 27 nëntor – 7 dhjetor bëmë vlerësimin urgjent dhe fillestar të dëmeve në ndërtesa. Ky vlerësim kishte për qëllim përcaktimin e banesave që paraqesin rrezikshmëri, të cilat duhen shembur ose duhen shpallur të pabanueshme përkohësisht.
Kjo fazë ka synimin parësor garantimin e sigurisë së jetës së banorëve. Deri më sot mbi 100 grupe inspektimi kanë verifikuar banesat e dëmtuara nga tërmeti në të gjithë qarkun Durrës, Tiranë e Lezhë. Në përbërje të këtyre grupeve kemi angazhuar 500 inxhinierë vendas dhe 81 ekspertë e inxhinierë konstruktorë nga 11 vende partnere” tha Çuçi.
Deri më tani, sipas ministrit, në të gjitha zonat e prekura nga tërmeti janë inspektuar 14 mijë e 69 objekte, nga të cilat:
-261 pallate janë dëmtuar rëndë dhe janë të pabanueshme përkohësisht;
-2 237 banesa janë dëmtuar rëndë dhe janë të pabanueshme përkohësisht;
-851 pallate kanë pësuar dëmtime të mesme dhe të lehta; dhe
-4 618 banesa kanë pësuar dëmtime të mesme dhe të lehta.
Deri më sot, janë shembur 44 objekte, kryesisht në qarkun Durrës, të përcaktuara si me rrezikshmëri shumë të lartë.
“Këto ndërtesa janë shembur mbi bazën e Aktit të Konstatimit të çertifikuar nga Grupi përkatës i Verifikimit, nga Instituti i Ndërtimit, dhe mbi bazën e vendimit të Këshillit Bashkiak. Të gjitha godinat, të cilat rezultojnë me rrezikshmëri të lartë, vazhdojnë të ruhen me perimetër sigurie nga forcat e policies” tha Çuçi.
Në datë 8 dhjetor ka filluar procesi i vlerësimit të ndërtesave që janë dëmtuar nga tërmeti, për hartimin e Raportit Përfundimtar për Dëmet. Sipas ministrit, ky vlerësim po bëhet mbi bazën e një formulari të përgatitur mbi modelet e BE-së dhe të Kombeve të Bashkuara dhe transmetimi e përpunimi i të dhënave bëhet në kohë reale në mënyrë eletronike. Kjo fazë ka synim kryesor përcaktimin e saktë të dëmeve në banesa dhe përllogaritjen e kostos së këtyre dëmeve.
Sa i përket shkollave, vlerësimi paraprak i demit rezulton 3.05 Miliardë Lekë
Nga inspektimi i shkollave ka rezultuar se :
-176 objekte shkollore kanë pësuar dëme të lehta;
-6 objekte kanë pësuar dëme të konsiderueshme; dhe
-36 objekte kanë pësuar dëme të rënda.
Strehimi
(a)Bonusi i qirasë
Pasi është siguruar strehimi i përkohshëm i banorëvë të prekur nga tërmeti në qendra akomoduese dhe njësi lëvizëse, ka filluar marrja e masave për një zgjidhje afatmesme të strehimit për këta banorë. Për këtë qëllim, sipas ministrit, ka filluar adaptimi i skemës së bonusit të qerasë për banorët e prekur.
Deri më sot:
-Këshilli bashkiak i Tiranës ka miratuar bonusin e qirasë për 922 familje;
-Këshilli bashkiak i Durrësit ka miratuar bonusin e qirasë për 666 familje;
-Këshillat bashkiakë të Lezhës, Kurbinit dhe Mirditës kanë miratuar listën e familjeve përfituese nga bonusi i qerasë;
-Të gjithë bashkitë në zonat e prekuar nga tërmeti, vazhdojnë të pranojnë aplikime për bonusin e qerasë për banorë të mbetur të pa strehë për shkak të tërmetit.
Sipas vendimit të Komitetit për Rindërtimin, qeveria do t’ju ofrojë bonusin e qerasë banorëve të mbetur pa strehë për shkak të tërmetit të 26 nëntorit, deri në maj të vitit 2021.
(b)Çadrat e dimrit
Shumica e banorëve në zonat rurale, të cilëve ju është dëmtuar banesa për shkak të tërmetit, kanë preferuar të mos largohen nga shtëpitë.
“Për këtë arsye, ne ju kemi ofruar këtyre banorëve çadra dimri, të cilat ata do t’i shfrytëzojnë deri në ndërtimin e shtëpive të reja. Me ndihmën edhe të partnerëve ndërkombëtarë e të qytetarëve bujarë, po vijojmë me shpejtësi me zëvendësimin e çadrave verore me ato dimërore, të pajisura me të gjithë infrastrukturën e përshtatshme” tha ministri.
Vlerësimi monetar i dëmeve, raporti me 16 janar
Më tej,ministri bëri të ditur se janë bërë vlerësime të kostove të dëmeve në ndonjë sektor të caktuar por nuk ka ende një faturë të saktë dhe përfundimtare të dëmeve që shkaktoi tërmeti i dy javëve më parë.
Verifikimi i detajuar i dëmeve në ndërtesat e prekuar nga tërmeti është hapi i parë në përgatitjen e Raportit të Dëmeve. “Caktuam zonjën Milva Ekonomi në rolin e Koordinatores Kombëtare për Raportin e Dëmeve, si dhe ngritëm grupin e përbashkët të punës me BE-në, Bankën Botërore dhe misionin e Kombeve të Bashkuara në Shqipëri për ta përgatitur këtë raport, i cili do të paraqitet në 16 janar” tha ministri.
(a) Drejtimet kryesore të zgjidhjeve afatgjata
Ne si qeveri kemi filluar përgatitjen e planeve konkrete për zgjidhjen afatgjatë të problemeve që shaktoi tërmeti i dy javëve më parë. Këto zgjidhje përfshijnë angazhimin tonë për të bërë të mundur:
– Rindërtimin masiv të banesave të dëmtuara me angazhimin edhe të firmave të ndërtimit për riparimin e pallateve që ato kanë ndërtuar;
– Ndërtimin e lagjeve të reja në Tiranë, Durrës, Thumanë, Kurbin dhe Lac për të strehuar banorët, shtëpitë e të cilëve u shkatërruan plotësisht nga tërmeti;
– Ndërtimin e infrastrukturës shoqëruese (shkolla, kopshte, qendra shëndetësore, infrastrukturë tokësore dhe nën-tokësore) në këto lagje të reja; dhe
– Ndërtimin e shtëpive ekologjike (Eko-shtëpive) në zonat rurale.
(b) Vlerësimi monetar i dëmeve
Ndërkohë që kemi bërë vlerësime të kostove të dëmeve në ndonjë sektor të caktuar, nuk kemi ende një faturë të saktë dhe përfundimtare të dëmeve që na shkaktoi tërmeti i dy javëve më parë.
Verifikimi i detajuar i dëmeve në ndërtesat e prekuar nga tërmeti është hapi i parë në përgatitjen e Raportit të Dëmeve. Caktuam zonjën Milva Ekonomi në rolin e Koordinatores Kombëtare për Raportin e Dëmeve, si dhe ngritëm grupin e përbashkët të punës me BE-në, Bankën Botërore dhe misionin e Kombeve të Bashkuara në Shqipëri për ta përgatitur këtë raport, i cili do të paraqitet në 16 janar.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.