Sa Eurobonde ka emetuar Shqipëria?Dy janë shlyer, dy janë ende aktivë

Eurobondi është një instrument me afat maturimi më shumë se një vit, i cili emetohet në monedhë të huaj në tregun ndërkombëtar. Kjo është hera e pestë që  vendi ynë u  drejtohet tregjeve ndërkombëtare të kapitalit me instrumentin e eurobondit.

Eurobondi i parë është emetuar në vitin 2010 me vlerë 300 milionë euro, maturim 5-vjeçar dhe interes 7.5% dhe është shlyer në vitin 2015.

Eurobondi  i dytë u emetua  në  vitin 2015 me maturim 5-vjeçar,  në  vlerë  prej 450  milionë  eurosh dhe  me  një  normë  interesi  5.75  %  dhe është shlyer  në vitin 2020.

Ndërkohë, janë 2 eurobonde ende aktive, që nuk janë shlyer.

Eurobondi i tretë është ai i emetuar në vitin 2018, në vlerën prej 500 milionë eurosh,  me maturim 7-vjeçar dhe normë interesi 3.50%;

Eurobondi i katërt është ai i emetuar në vitin 2020, në vlerën prej 650 milionë eurosh,  me maturim 7-vjeçar dhe normë interesi 3.50%.

Ministria e Financave vlerëson se gjatë  emetimeve  të  njëpasnjëshme,  Shqipëria  ka  shënuar  sukses, duke  mundësuar emetime me kosto gjithnjë  e më të ulëta. Nëse analizojmë vitet, rezulton se Shqipëria ka ngushtuar distancën kohore mes emetimit të Eurobondeve, duke i bërë ato thuajse të përvitshme.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.