Sa harxhon Shqipëria për të varfërit? BB: $170 mln, sa dyfishi i mesatares globale, por më pak se rajoni

Shqipëria harxhon mbi mesataren globale për atë që njihet si siguria shoqërore por më pak se fqinjët e tjerë rajonale, thotë një raport i publikuar nga Banka Botërore.

Në terma përqnidje, Shqipëria harxhon sa 1.5% e PBB në këtë drejtim po aq sa është edhe mesatarja globale.

Mesatarja rajonale ndërkohë fiksohet në 2.2% thotë Banka Botërore. Rjeta e sigurisë sociale, siç i referohet Banka Botërore, përfshin asistencën monetare për më të varfërit.

Në një studim të pak kohëve më parë ndërkohë, Banka Botërore arrinte në përfundimin se, skema e re e ndihmës ekonomike do të përmirësonte ndjeshëm shënjestrimin, duke prekur realisht ata që kanë nevojë, gjë që sipas institucionit do të ndikojë edhe në uljen e pabarazisë.

Raporti më i fundit i Bankës Botërore ndërkohë, tregon se, në terma absolutë, Shqipëria shpenzon rreth 170 milionë dollarë për programin e sigurisë sociale.

Kjo shifër është bindshëm larg mesatares globale që fiksohet në  rreth 80 milionë dollarë, por më pak se mesatarja rajonale, që fiksohet në rreth 253 milionë dollarë.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.