Sa i rëndësishëm është kujdesi ndaj klientit për sipërmarrjen?

Puna me sipërmarrësit të jep mundësinë të flasësh dhe të  udhëheqësh të tjerët që po përpiqen të fillojnë biznesin e tyre apo duan të përmirësojnë atë që tashmë kanë. Për të gjithë sipërmarrësit është shumë e rëndësishme të kuptojnë rëndësinë që shërbimi ndaj klientit ka për sipërmarrjen e tyre.

Kujdesi ndaj klientit është absolutisht pjesa më e rëndësishme e çdo biznesi. Thuhet se ka dy mënyra për të përmirësuar mënyrën se si operon një biznes.

Një mënyrë është duke rritur shitjet dhe tjetra duke ulur shpenzimet.  Ju do ta keni shumë të vështirë të ulni shpenzimet por mund të ofroni një shërbim më të mirë klienti në mënyrë që të rrisni shitjet.

Nëse kjo nuk mjafton për t’ju bindur më poshtë do të gjeni pesë arsye pse shërbimi ndaj klientit është më i rëndësishëm se gjithçka në biznesin tuaj.

1. Shërbimi i mirë ndaj konsumatorëve ndërton besim

Në ditët e sotme njerëzit qëndrojnë besnik ndaj një kompanie vetëm nëse ata kanë arsye shumë të forta për ta bërë këtë. Në të kundërt konkurrenca e madhe bwn që ata të zgjedhin sa hap e mbyll sytë një kompani tjetër. Si rezultat ju duhet të punoni më shumë për të mbajtur klientët tuaj si dhe për të ndërtuar besim në markën tuaj. Duke ofruar më të mirën në shërbimin ndaj klientit, ju do të rrisni besimin dhe kjo do të nënkuptojë dallimin mes besnikërisë së klientëve dhe klientëve kalimtarë.

2. Shërbimi i klientit ka më shumë rëndësi se çmimi

Kur kryhen studime dhe anketime rezulton gjithmonë një numër i madh konsumatorësh të cilët thonë se shërbimi i klientit është më i rëndësishëm se çmimi. Për të marrë përvojën e duhur ata janë të gatshëm të paguajnë më shumë.

3. Në këtë mënyrë ndërtoni njohjen e kompanisë suaj

Nëse ju nuk e dini këtë tashmë, atëherë ka ardhur koha ta mësoni. Fjalët janë aleati më i fuqishëm që keni në anën tuaj. Ajo çka klientët tuaj ju thonë konsumatorëve të tjerë mund të ngrejë ose shkatërrojë biznesin tuaj. Kur ju jepni më të mirën në shërbimin ndaj klientit besoj e merrni me mend vetë se si do të shkojë punë.

4. Shërbimi i mirë ndaj konsumatorëve redukton problemet

Problemet do të lindin në çdo biznes dhe pavarësisht se sa e vështirë është shmangia e tyre ju përsëri përpiqeni t’i shmangni ato. Nëse ju nuk mund të zhvilloni një biznes të përsosur me gjithë klientët e përsosur ju mund të siguroni që fërkimet nuk do të jenë një problem. Nëse konsumatorët e dinë se mund t’ju drejtohen edhe për ankesa ata do të ndihen më të kënaqur të bëjnë biznes me ju.

5. Një shërbim i mirë klienti sjell rezultate pozitive

Njëherë e një kohë biznesi kishte të bënte me mbylljen e shitjes dhe nuk kishte rëndësi se si arrihej kjo gjë. Në ditët e sotme ju duhet të kujdeseni për klientët e rinj. Kur bëhet fjalë për një biznes, asgjë nuk ka rëndësi nëse ju ofroni një shërbim të dobët klienti. Mbani në mend këto pesë gjëra në mënyrë që të kuptoni se sa i rëndësishme është shërbimi ndaj  klientit   për suksesin tuaj. Pra, sigurohuni që ju jeni duke ofruar më të mirën në shërbimin ndaj klientit dhe shijoni rezultatet pozitive.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.