Sa kohë duhet të qëndroni në një vend pune?

Ka shumë opinione të ndryshme se sa gjatë duhet një person të qëndrojë në një vend pune. Disa mendojnë se me të mbaruar universitetin, dikush duhet të gjejë një punë dhe të investohet për të bërë karrierë sa më gjatë.  Disa të tjerë mendojnë se në fakt të ndërrosh vendin e punës është një gjë shumë e mirë, të paktën një herë në 3-4 vjet.

Por sa kohë duhet të qëndroni në një vend pune?

Ndërsa në të kaluarën, ndryshimi i vendeve të punës konsiderohet si shenjë e mungesës së besnikërisë dhe ndërgjeshmërisë, këto ditë, duke qëndruar shumë gjatë në një punë është gjithashtu e dëmshme për karrierën tuaj. Eunice, CEO i firmës së rekrutimit Career Shine, thotë, “2 deri në 3 vjet do të ishte koha më e përshtatshme t’u larguar.

Gjatë vitit të parë, shumica e njerëzve ende po përshtaten me kulturën dhe mësojnë gjëra të reja. Pas 2 vjetësh, nëse ende nuk po përparon brenda kompanisë, atëherë mund të jetë një kohë e mirë për t’u larguar. “Megjithatë, nëse keni qëndruar më pak se 2 vjet në të dy punët tuaja të fundit , Eunice këshillon që të qëndroni në punën tuaj të tanishme për të paktën 3 vjet.

Këtu janë disa arsye se kur është koha më e përshtatshme për tu larguar nga puna: Përderisa punëtorët në disa industri marrin rritje vjetore të pagave aq bujarë sa 10% deri në 30%, rritja mesatare është midis 3% dhe 6%. Në fakt, Raporti i Job Outlook i JobStreet.com i publikuar në vitin 2018 zbuloi se 44% e punonjësve të Singaporit nuk morën ndonjë rritje pagash vitin e kaluar.

Nga ana tjetër, ndryshimi i vendeve të punës mund t’ju sjellë një rritje prej rreth 20%, duke fituar një rrogë që do të duhet të punoni rreth 5 vjet për të arritur nëse keni qëndruar në të njëjtën kompani, shpjegon Eunice.

Një promovim nuk vjen gjithmonë me një rritje të ndjeshme të pagës, por mund t’ju japë më shumë fuqi negociuese kur intervistoni për punën tuaj të ardhshme. Megjithatë, në disa kompani, promovimet janë të pakta .

Nëse keni qenë në të njëjtin post për vite dhe kolegët tuaj në kompani të tjera janë duke u promovuar para jush, kjo është një shenjë e mirë që ju do të jeni në gjendje të siguroni një promovim duke ndryshuar punët dhe duke bërë lëvizjen tek një punëdhënës tjetër.

Megjithatë, nuk mbetemi prapa, pasi as Britania e Madhe nuk ka statistika shumë të detajuara. Të paktën sipas një artikulli të fundit të BBC-së. Në fakt, sipas një studimi të fundit, një punëmarrës në Britaninë e Madhe, sipas BBC-së, e ndryshon vendin e punës çdo 5 vjet mesatarisht. Në SHBA, kjo kohë është edhe më e shkurtër, pasi sipas statistikave zyrtare, njerëzit qëndrojnë në një vend pune për të paktën deri në katër vjet.

Por a ka një numër ‘magjik’ se sa duhet të jetë kjo kohëzgjatje?

Nigel Heap, drejtor në firmën e rekrutimit “Hays” në Britaninë e Madhe dhe Irlandë, paralajmëron se të ndërrosh punën shpesh “mund të jetë një njollë e keqe”. “Kur kërkoni vazhdimisht punë të reja pa treguar një arsye të mirë, kjo mund të jetë një arsye që punëdhënësit t’ju shikojnë me shumë vëmendje.

Ata mund të vënë në dyshim aftësinë tuaj për të punuar në një organizatë dhe kjo mund t’ju bëjë të dukeni të përshtatshëm në një mjedis apo edhe në ndërmarrjen e sfidave të reja. Deri tani, elementi që ka ndikuar më shpesh ndryshimin e vendit të punës, është mosha.

Në SHBA, qëndrimi mesatar i punëtorëve mbi 55 vjeç deri në 64 vjeç në punë ishte 10.1 vjet, tre herë më shumë se punëtorët e moshës 25 deri 34 vjeç, që statistikisht qëndrojnë 2.8 vjet në një vend pune, sipas statistikave më të fundit të SHBA-së.

Gjithsesi, ky artikull nënvizon se pothuajse ¼ e të punësuarve janë aktualisht në kërkim të punëve të reja, sipas sondazhit të fundit të “CIPD’s Outlook Employee”, ku u anketuan 2 mijë të punësuar në Mbretërinë e Bashkuar.

Për kompanitë sigurisht që kjo është një sfidë më vete. Të humbasësh stafin dhe njohuritë e tyre në mënyrë të vazhdueshme, sigurisht që është një proces i kushtueshëm.

Ada Xhagolli/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.