Sa mandate ka çdo qark i vendit – KQZ sqaron qytetarët në lidhje me konfuzionin për numrin e kandidatëve
Nëpërmjet një njoftimi në faqen zyrtare KQZ ka bërë një sqarim në lidhje me konfuzionin që është bërë në disa media për numrin e kandidatëve dhe mandateve.
Kuvendi ka 140 deputet (mandate). Deputetët zgjidhen mbi bazë qarku. Numri i deputetëve (mandateve) që zgjidhen për çdo qark është: Berat 7, Dibër 5, Durrës 14, Elbasan 14, Gjirokastër 4, Fier 16, Korçë 11, Kukës 3, Lezhë 7, Shkodër 11, Tiranë 36, Vlorë 12.
Referuar Nenit 67, pika 4 e Kodit Zgjedhor përcaktohet: “Numri i kandidatëve në listën shumemërore nuk mund të jetë më i vogël se numri i mandateve që do të zgjidhen në zonën zgjedhore përkatëse, shtuar dy. Në çdo rast, numri i kandidatëve në listën shumemërore duhet të jetë i plotpjesëtueshëm me numrin tre”.
Në kuptim dhe në zbatim, Kodi Zgjedhor ka përcaktuar detyrimin për partitë politike (ose koalicionet) që të paraqesin një numër kandidatësh për deputet për çdo qark më të madh se numri i mandateve për çdo qark. Ndaj numri i kandidatëve në një qark është i ndryshëm nga numri i mandateve në atë qark.
Për çdo qark numri i kandidatëve që partia, ose koalicioni duhet të paraqesë në KQZ është si vijon: Berat 9, Dibër 6, Durrës 15, Elbasan 15, Gjirokastër 6, Fier 18, Korçë 12, Kukës 3, Lezhë 9,Shkodër 12, Tiranë 36, Vlorë 12.
Totali 153, numri kandidatëve për deputet që duhet të paraqes në KQZ një parti, ose një koalicion.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.